پاک فوج کے شعبہ تعلقات عامہ (آئی ایس پی آر )کے مطابق سیکیورٹی فورسزنے شمالی وزیرستان کے علاقےبویامیں آپریشن کیا،جہاں 16 اور 17 مئی کی درمیانی شب سیکیورٹی فورسز اور دہشت گردوں کے درمیان فائرنگ کا تبادلہ ہوا، جس میں کالعدم ٹی ٹی پی کے 2 انتہائی مطلوب دہشت گرد مارے گئے۔

آئی ایس پی آر کے مطابق ہلاک دہشت گردوں کی شناخت کمانڈر رشید عرف جابر اور عبدالسلام عرف چمٹو کے نام سے ہوئی۔

آئی ایس پی آر کے مطابق ہلاک دہشت گردوں کا تعلق کالعدم ٹی ٹی پی سے تھا، ان دہشت گردوں سے اسلحہ اور گولیاں بھی برآمد کرلی گئیں، یہ دونوں دہشت گرد علاقے میں دہشت گردی کی مختلف سرگرمیوں میں مطلوب تھے۔