ٹوئٹر پر اپنے بیان میں وزیراعلیٰ پنجاب نے کہا کہ پہلے مرحلے میں 10 کلو آٹے کی قیمت 650 روپے سے کم کر کے 490 روپے یعنی 160 روپے کی کمی کی جا رہی ہے۔

حمزہ شہباز نے کہا کہ حکومت آٹے پر 200 ارب روپے کی سبسڈی دے رہی ہے جو کہ خوراک کا بنیادی جزو ہے۔

انہوں نے کہا کہ لوٹ مار، انارکی، تقسیم اور خود کو فروغ دینے کی سیاست ہماری توجہ نہیں بلکہ عوام کو ریلیف دینا اور گزشتہ 4 سال کے دکھوں کا مداوا کرنا ہے۔

وزیراعلیٰ پنجاب نے کہا کہ رکاوٹوں کے باوجود حکومت بین الاقوامی مارکیٹ میں 4.5 ملین ٹن گندم خریدنے میں کامیاب ہوئی ہے جو 500 ڈالر فی ٹن یا 4000 روپے فی من کے حساب سے فروخت ہو رہی ہے، تاہم ہم نے 2,200 روپے فی من کے حساب سے گندم خریدی ہے۔

انہوں نے مزید کہا کہ صوبے نے ایک سال تک گندم کا کافی ذخیرہ حاصل کر لیا ہے۔

قبل ازیں وزیراعظم شہباز شریف نے صوبوں کی جانب سے گندم کی خریداری کے اہداف پورے نہ کرنے پر تشویش کا اظہار کیا تھا اور خریداری مکمل کرنے کیلئے یکم جون کی آخری تاریخ مقرر کی تھی۔