کراچی نیول اکیڈمی میں 117ویں مڈشپ مین اور 25 ویں ایس ایس سی کورس کی پاسنگ آؤٹ پریڈ سے وزیراعظم شہبازشریف نے خطاب کرتے ہوئے کہا کہ “نیول اکیڈمی کی تقریب میں شرکت اعزاز ہے، خوشی ہےکہ آج کی پریڈ میں خواتین کیڈٹس بھی شامل ہیں”۔

انہوں نے کہا کہ ملکی دفاع کومضبوط بنانےمیں قوم کواپنےمسلح افواج پرفخرہے، پاکستان جغرافیائی لحاظ سےایک اسٹریٹجک مقام پرواقع ہے، قومی ترقی کےمنصوبوں کوتیزی سےمکمل کرنا ہے۔

ان کا کہنا تھا کہ قومی ترقی کے منصوبوں کوتیزی سےمکمل کرنا ہے، پاکستان بحریہ ملک کے سمندرکے تحفظ میں اہم کردارادا کررہی ہے۔

وزیراعظم نے گارڈ آف آنر کا معائنہ کیا جبکہ نمایاں کارکردگی کا مظاہرہ کرنے والوں میں انعامات تقسیم کیے۔

کمیشن حاصل کرنیوالوں میں 24 کا پاکستان جبکہ 19 کا تعلق دوست ممالک سے ہے جبکہ پاس آؤٹ ہونے والےغیرملکی کیڈٹس کا تعلق بحرین، قطراور فلسطین سے ہے۔

واضح رہے کہ وزیراعظم شہبازشریف ایک روزہ دورے پر کراچی پہنچے ہیں، جہاں انہوں نے پاکستان نیول اکیڈمی میں پاسنگ آؤٹ پریڈ میں مہمان خصوصی کے طور پر شرکت کی ہے۔