پاکستان کرکٹ بورڈ (پی سی بی) کے مطابق وہاں کی صورتحال مانیٹر کی جا رہی ہے، سری لنکن بورڈ سے بھی مسلسل رابطے میں ہیں، اور ان ہی کی درخواست پر آج کا پریکٹس سیشن کینسل کیا ہے۔

پی سی بی نے بتایا کہ پاکستانی اسکواڈ اس وقت ہوٹل میں موجود ہے، جہاں معمول کے مطابق کام ہو رہا ہے، دورے کے حوالے سے سری لنکن بورڈ سے تحفظات کا اظہار نہیں کیا البتہ کل شیڈول کے مطابق ہی پسارا اوول گراؤنڈ میں ٹریننگ سیشن ہوگا۔

خیال رہے کہ قومی کرکٹ دو ٹیسٹ میچز پر مشتمل سیریز کے لئے سری لنکا میں موجود ہے، دونوں ٹیموں کے درمیان پہلا ٹیسٹ 16 جولائی کو گال انٹرنیشنل اسٹیڈیم میں کھیلا جائے گا۔