صدر عارف علوی کراچی، وزیراعظم شہباز شریف، وزیراعلیٰ پنجاب حمزہ شہباز لاہور میں عید منا رہے ہیں جب کہ سابق وزیراعظم اور چیئرمین تحریک انصاف عمران خان اسلام آباد میں عید منا رہے ہیں۔

قائد مسلم لیگ (ن) نواز شریف اور اسحاق ڈار لندن، گورنر بلیغ الرحمان، مریم نواز، وفاقی وزرا احسن اقبال، خواجہ سعد رفیق، سابق وزرا ایاز صادق،خورشید محمود قصوری اور امیر جماعت اسلامی سراج الحق لاہور میں موجود ہیں۔

سربراہ (ق) لیگ چوہدری شجاعت حسین، اسپیکر پنجاب اسمبلی پرویز الہٰی اور مونس الہی گجرات، جب کہ عوامی مسلم لیگ کے سربراہ شیخ رشید اور آرمی چیف جنرل قمر جاوید باجوہ راولپنڈی میں عید الاضحٰی منا رہے ہیں۔

اس کے علاوہ سابق صدر آصف زرداری نواب شاہ، وزیر خارجہ بلاول بھٹو لاڑکانہ، یوسف رضا گیلانی اور سابق وزیر خارجہ شاہ محمود قریشی ملتان، فواد چوہدری جہلم، وزیراعلٰی سندھ مراد علی شاہ کراچی میں عید قربان منا رہے ہیں۔