متحدہ قومی موومنٹ (ایم کیو ایم پاکستان) کے کنوینئر ڈاکٹر خالد مقبول صدیقی نے وزیراعظم سے ٹیلیفونک رابطہ کرکے انہیں کراچی کی صورتحال اور بارش کے باعث اس میں ہونے والے نقصانات سے آگاہ کیا۔

جس پر شہباز شریف نے جاں بحق افراد کے لواحقین کو 10 لاکھ روپے دینے کی یقین دہانی کرائی اور کہا کہ برسات کے باعث جن کا نقصان ہوا ہے اس کا بھی ازالہ ہوگا۔

خیال رہے کہ کراچی میں گزشتہ رات موسلادھار بارش کے باعث شہر بھر کی سڑکیں و گلیاں تیلاب کے مناظر پیش کر رہی ہیں جب کہ گرج جمک کے ساتھ بارش میں کرنٹ لگنے سے تین افراد جاں بحق ہوگئے۔