وزیراعلیٰ چندر شیکھر نے کہا کہ بارشوں کے بعد تلنگانہ میں بالکل ویسی ہی سیلابی صورتِ حال ہے، جیسی ماضی میں لداخ اور اتراکھنڈ میں تھی۔

اتوار کو بھدراچلم شہر کے سیلاب سے متاثرہ علاقوں کا دورہ کرنے کے بعد میڈیا سے گفتگو کرتے ہوئے چندر شیکھر نے کہا کہ ملک میں بادل پھٹنے کے نام سے ایک رجحان بڑھتا جا رہا ہے، شبہ ہے کہ کچھ بیرونی ممالک کی جانب نے جان بوجھ کر یہ کام کیا جارہا ہے، جو گزشتہ ہفتے گوداوری کے علاقوں میں غیر معمولی بارشوں کا سبب بنا ہے۔ تاہم، ہم نہیں جانتے کہ ایسی رپورٹس کہاں تک درست ہیں۔

گوداوری طاس کو متاثر کرنے والی بھاری بارش کا ذکر کرتے ہوئے، انہوں نے کہا کہ نرمل ضلع کے کڈیم پروجیکٹ میں تین دن پہلے 5 لاکھ کیوسک کا غیر معمولی بڑا ریلہ دیکھا گیا۔

ان کا کہنا تھا کہ یہ صرف خدائی مداخلت تھی جس نے کڈیم ڈیم کو بچایا۔