بھارتی میڈیا رپورٹس کے مطابق اپنے ایک بیان میں سنیل گواسکر کا کہنا تھا کہ اگر میں ویرات کوہلی کے ساتھ 20 منٹ گزار سکوں تو انہیں بیٹنگ کے دوران درپیش مسائل کا حل بتا سکتا ہوں، ہوسکتا ہے کہ اس سے انہیں فارم میں واپس آنے میں مدد ملے۔

سابق بھارتی کرکٹر نے کہا کہ ویرات کوہلی کو آف اسٹمپ لائن پر کروائی گئی گیندوں کو کھیلنے میں مشکلات آرہی ہیں اور ماضی میں انہیں کئی بار آؤٹ ہوتے دیکھا گیا ہے۔

سنیل گواسکر نے مزید کہا کہ ایک سابق اوپنر کی حیثیت سے انہیں بھی آف اسٹمپ لائن پر کھیلنے میں مشکل پیش آتی تھی لیکن اس سے باہر نکلنے کے لیے انہیں کچھ چیزوں کی کوشش کرنی پڑی۔

یاد رہے کہ بھارتی کرکٹ ٹیم کے سابق کپتان ویرات کوہلی کی ان دنوں خراب فارم چل رہی ہے جس کے باعث انہیں دورہ ویسٹ انڈیز سے بھی باہر کردیا گیا ہے۔