سماجی رابطے کی ویب سائٹ بیان دیتے ہوئے عمران خان نے کہا کہ چوری کے پیسے سے وفاقی حکومت کو الٹنے اور این آر او ٹو حاصل کرنے کے بعد سرٹیفائیڈ کرمنل زرداری ایم پی ایز کو 50 کروڑ روپے میں خرینے کی کوشش کر رہا ہے جسے جیل میں ہونا چاہیئے۔

پی ٹی آئی چیئرمین نے کہا کہ یہ سب شریف مافیا سے مل کر پنجاب کے عوام کا مینڈیٹ چوری کرنے کی کوشش ہے جو ہماری جمہوریت پر نہیں بلکہ ہمارے سماج کی اخلاقی بنیادوں پر بھی سنگین حملہ ہے۔

انہوں نے لکھا کہ ہم قابل احترام سپریم کورٹ سے سوال پوچھنا چاہتے ہیں کہ کیا جو نقصان ہورہا ہے انہیں اس کا ادراک نہیں اور کیا جمہوریت و قوم کے اخلاق کی تباہی پر سوموٹو نہیں بنتا۔

عمران خان کا مزید کہنا تھا کہ کیا نیوٹرلز کو سمجھ نہیں آرہی اپورٹڈ حکومت کس طرح ملک تباہ کر رہی ہے۔