پاکستانی ٹیم کے پاس ایونٹ کی تیاری کے لیے سامان نہیں تھا، شہلا رضا نے مبینہ طور پر ہاکی اسٹکس اور دیگر سامان مہیا کیا۔

معروف اسپورٹس رپورٹر قادر خواجہ نے دعویٰ کیا ہے کہ قائم مقام جنرل سیکرٹری ہاکی سید حیدر، شہلا رضا کے بہت قریب ہیں، شہلا رضا سندھ سپورٹس بورڈ کی جنرل سیکرٹری ہیں اور کئی ہاکی اسٹیڈیم پر قابض ہیں۔

قادر خواجہ کا کہنا ہے کہ سیکرٹری کی تعیناتی بھی ان کے کہنے پر ہوئی، جبکہ شہلا رضا کو اب ویمن ہاکی ٹیم کا مینجر بنا دیا گیا ہے۔

فاختہ نے بتایا ہے کہ سید حیدر قائم مقام جنرل سیکرٹری ہاکی سیدہ شہلا رضا کے بہت قریب ہیں،شہلا رضا سندھ سپورٹس بورڈ کی جنرل سیکرٹری ہیں،وہاں کئی ہاکی اسٹیڈیم پر قبضہ کیا ہوا اور سیکرٹری کی تعیناتی بھی انکے کہنے پر ہوا جبکہ شہلا رضا کو اب مینجر بنا دیا ویمن ٹیم کا@SyedaShehlaRaza pic.twitter.com/140lYVvqUU

— Qadir Khawaja (@iamqadirkhawaja) August 3, 2022

شہلا رضا کو بطور ویمن ہاکی ٹیم کی مینیجر بیرون ملک سفر پر کافی تنقید کا نشانہ بنایا جارہا ہے۔

سندھ کے سابق گورنر عمران اسماعیل نے ٹویٹ کرتے ہوئے اس خبر پر “انا للہ وانا الیہ راجعون” بھی پڑھ لیا۔

شہلا رضا پاکستان ومن ہاکی ٹیم کی مینیجر بن کر ٹیم کے ساتھ تھائلینڈ جائنگی۔ pic.twitter.com/ZYLc237XhZ

— Imran Ismail (@ImranIsmailPTI) August 3, 2022

تاہم، شہلا رضا نے ویڈیو پیغام کے ذریعے اپنے خلاف منفی پروپیگنڈہ کرنے والوں کو جواب دیتے ہوئے ہاکی ٹیم کے ساتھ اپنی برسوں پرانی وابستگی کے بارے میں بتایا۔

شہلا رضا کا کہنا تھا کہ کچھ لوگ اپنے عہدے کا بہت غلط فائدہ اٹھاتے ہیں۔ میں گزشتہ 4 سال سے کراچی ہاکی ایسوسی ایشن سے منسلک ہوں اور کراچی کی بوائز ٹیم کی چیئرپرسن ہوں۔ فیڈریشن نے سندھ کی گرلز ہاکی ٹیم کا جنرل مینیجر بنا دیا۔

انہوں نے کہا کہ ہم نے اپنے کراچی کے بچوں کے لیے بہت محنت کی ہے اور یہ ہمارے لیے فخر کی بات ہے کہ 30 سال بعد ملک میں کھیلے جانے والے قومی میچوں میں ملیر کلب کی ہماری بوائز ٹیم 750 سے زائد کلبوں کے خلاف کھیل کر فائنل میں پہنچی۔

شہلا رضا نے کہا کہ اب ہماری گرلز ٹیم اگلے دو سے تین روز میں بنکاک جا رہی ہے جس کے لیے میں نے ابھی چھٹی بھی نہیں لی، لیکن یہ میرے لیے خوشی کی بات ہے کہ پاکستان ہاکی ٹیم نے مجھے ہاکی ٹیم کا منیجر مقرر کر دیا ہے۔

انہوں نے مزید کہا کہ اس سے قبل بھی کئی سیاسی شخصیات کو منیجر کے طور پر لیا جا چکا ہے اس لیے پریشان ہونے اور ٹویٹ کرنے کی کوئی بات نہیں ہے۔

عجب گھبراھٹ کے غضب ٹو یئٹ کا جواب۔۔ pic.twitter.com/MyOipT7luu

— Syeda Shehla Raza (@SyedaShehlaRaza) August 3, 2022

پاکستان ہاکی فیڈریشن (پی ایچ ایف) نے ٹورنامنٹ کے لیے 10 رکنی اسکواڈ کا اعلان کر دیا ہے۔

کھلاڑیوں میں شازمہ نسیم، طاہرہ اسلام، حمیرا لطیف، اقرا اقبال، مائرہ صابر (کپتان)، ندا اصغر، کلثوم شہزادی، مریم حنیف، اریبہ سرور اور دعا خان شامل ہیں۔

نعیم احمد اور راحت خان ٹیم کے کوچنگ پینل کا حصہ ہوں گے۔