لاہور میں میڈیا سے گفتگو کرتے ہوئے ہاشم ڈوگر نے کہا کہ شہبازگل اتنے خوفزدہ تھے کہ انہوں نے مجھے کچھ نہیں بتایا۔ جیل میں شہبازگل پر تشدد نہیں کیا لیکن بلاوجہ چکی میں رکھا گیا۔

ان کا کہنا تھا کہ جیل کے2 افسران کا تبادلہ کیا گیا، کل شہبازگل کا ریمانڈ کینسل کرکے پولیس کے حوالے کیاگیا۔

انہوں نے مزید کہا کہ ہم نے تمام خدشات کے باوجود شہبازگل کو پمز کے حوالےکردیا، اسلام آباد پولیس نے حالات خراب کرنے کی کوشش کی۔

اس سے قبل، وزیر داخلہ پنجاب ہاشم ڈوگر کا کہنا تھا کہ 25مئی کے واقعات پر پولیس آفیسرز کے خلاف تحقیقات مکمل ہو گئی ہیں۔

انہوں نے کہا کہ جو سیاسی رہنما ملوث ہیں ان کیخلاف بھی کارروائی ہو گی، مقدمات کے حوالے سے کارروائی آج ہی سامنے آ جائے گی۔