سیلابی ریلا لوگوں کے مال مویشی اور اناج سب کچھ بہا کر لے گیا ہے، ہر طرف اجڑے ہوئے گھر نظر آرہے ہیں، سیلاب متاثرین سڑک کنارے کھلے آسمان تلے بے یارومددگار بیٹھنے پر مجبور ہیں۔

سیلاب سے ہزاروں خاندان متاثر ہوئے ہیں جبکہ صوبائی ڈیزاسٹر مینجمنٹ اتھارٹی (پی ڈی ایم اے) اور ضلعی انتظامیہ کی جانب سے متاثرہ خاندانوں کو جو امداد، ٹینٹ اور راشن دیا جارہا ہے ان کی تعداد نا ہونے کے برابر ہے، جس کی وجہ سے متاثرین حکومت سے نالاں ہیں۔

متاثرین نے حکومت وقت سے مطالبہ کیا ہے کہ انہیں اس مشکل گھڑی میں ٹینٹ خوراک اور ادویات مہیا کی جائیں۔