سماجی رابطے کی ویب سائٹ ٹوئٹر پر جاری بیان میں سابق وزیراعظم عمران خان نے کہا کہ اپنے سمندر پار پاکستانیوں سےمیری التماس ہے کہ ذیل میں درج پورٹل کے ذریعے سیلاب متاثرین کے لیے عطیات بھجوانے کا سلسلہ جاری رکھیں۔

اپنےسمندر پار پاکستانیوں سےمیری التماس ہےکہ ذیل میں درج پورٹل کےذریعےسیلاب متاثرین کیلئےعطیات بھجوانے کاسلسلہ جاری رکھیں؛ https://t.co/DqOikNDNME
اس پورٹل سےموصول ہونےوالےعطیات24گھنٹوں میں 2ملین ڈالرز سےتجاوز کرچکےہیں۔میں ان سب کا شکرگزار ہوں جو پہلےہی اپنا حصہ ڈال چکےہیں۔

— Imran Khan (@ImranKhanPTI) August 31, 2022

عمران خان نے کہا کہ فلڈ ریلیف پورٹل سے موصول ہونے والے عطیات 24 گھنٹوں میں 2 ملین ڈالرز سے تجاوز کرچکے ہیں، میں ان سب کا شکرگزار ہوں، جو پہلے ہی اپنا حصہ ڈال چکے ہیں۔

مزید پڑھیں: عمران خان نے ٹیلی تھون میں 5 ارب روپے سے زائد جمع کرلیے

گزشہ روز پی ٹی آئی چیئرمین عمران خان نے سیلاب زدگان کے لیے انٹرنیشنل ٹیلی تھون میں500 کروڑ سے زائد کے عطیات اکٹھے کیے تھے۔

جس کے بعد عمران خان نے اپنے ٹویٹ میں کہا تھا کہ پاکستانیوں بالخصوص اورسیزپاکستانیوں کا دل کھول کرعطیات دینے پر مشکورہوں، صرف 3 گھنٹوں کی ٹیلیتھون میں 5 ارب روپے کے عطیات دئیے گئے۔

گزشتہ شب نہایت فیاضی اور سخاوت سے عطیات دینے پر میں اہلِ وطن خصوصاً اپنے سمندر پار پاکستانیوں کا مشکور ہوں۔ ہماری 3 گھنٹوں کی ٹیلی تھون میں ہمیں 5 ارب روپے کے عطیات کے اعلانات (Pledges) موصول ہوئے۔

— Imran Khan (@ImranKhanPTI) August 30, 2022