سابق وزیراعظم اور چیئرمین تحریک انصاف عمران خان نے کہا ہے کہ سیلاب کا فائدہ یہ ہوگا کہ جب پانی اترے گا تو گندم کی فصل اچھی ہوگی۔

سابق وزیراعظم عمران خان نے سیلاب زدہ علاقوں کا دورہ کرنے کے بعد میڈیا سے گفتگو کرتے ہوئے کہا کہ میں نےدیکھا کہ بہت سا علاقہ پانی کے نیچے ہے، جب یہ پانی اترے گا اس کا سب سے بڑا فائدہ یہ ہوگا کہ جب لوگ اپنی فصل اگائیں گے تو گندم کی فصل اچھی ہوگی۔

یہ بیان ایسے وقت میں سامنے آیا ہے جب پاکستان بھر میں سیلاب کے باعث ہزاروں ایکڑ پر کھڑی فصلیں بہہ گئی ہیں اور دیہی علاقوں میں لوگ اپنا ذریعہ معاش اور سامان سے ہاتھ دھو بیٹھے ہیں۔

سوشل میڈیا پر یہ بیان فوری طور پر وائرل ہوا اور کہا گیا عمران خان نے سیلاب زدگان کا مذاق اڑایا ہے۔

طنز و مزاح لکھنے والے فیصل چوہدری نے طنزیہ انداز میں لکھا کہ یہ سننے کے بعد اقوام متحدہ نے دنیا کے تمام ممالک کو اپنے ملکوں میں سیلاب لانے کا حکم دے دیا ۔ دنیا بھر سے غذائی قلت ختم کرے کا فارمولہ سامنا آگیا ۔