سماجی رابطے کی ویب سائٹ ٹوئٹر پر جاری بیان میں عوامی مسلم لیگ کے سربراہ شیخ رشید نے کہا کہ آئی ایم ایف نے حکومت کےساتھ 608 ارب وصولی کا مزید معاہدہ کیا ہے، پہلے قومی خزانے پر ڈاکہ ڈالا گیا اب غریب کی جیب پرڈاکہ ڈال رہے ہیں، 6 مہینوں میں حکومت کا الٹراساؤنڈ ہوگیا ہے۔

آئی ایم ایف نےحکومت کے ساتھ608ارب وصولی کامزید معاہدہ کیا ہے،پہلے قومی خزانے پر ڈاکہ ڈالا اب غریب کی جیب پر ڈاکہ ڈال رہے ہیں،6مہینوں میں حکومت کاالٹراساؤنڈ ہوگیا ہے،سندھ میں سیلاب نےلوگوں کی آنکھیں کھول دیں،5ستمبربروزسوموارجسٹس امجدرفیق کی عدالت لاہورہائی کورٹ میں پیش ہوں گا

— Sheikh Rashid Ahmed (@ShkhRasheed) September 4, 2022

انہوں نے کہا کہ سندھ میں سیلاب نے لوگوں کی آنکھیں کھول دیں، 5ستمبر بروز سوموار جسٹس امجد رفیق کی عدالت لاہور ہائیکورٹ میں پیش ہوں گا۔

شیخ رشید نے مزید کہا کہ سیلاب نے پی ڈی ایم کی ساکھ راکھ بنادی، لوٹا ممبران کی عوام شکل نہیں دیکھنا چاہتے، جن منی لانڈرزکو اپنے لوگ چندہ دینےکوتیارنہیں دوسرے ملک کیسے دیں گے۔

سیلاب نےPDMکی ساکھ راکھ بنادی،لوٹاممبران کی عوام شکل نہی دیکھناچاہتے،جن منی لانڈرزکواپنے لوگ چندہ دینے کو تیار نہی دوسرےملک کیسے دیں گے،لوگوں میں پٹرول لینےاور بجلی کا بل دینے کی سکت نہی آپ مزید اضافہ کرنے جارہے ہیں،ستمبر ستمگرہوگا،سیلاب اترے گاتوعمران خان اسلام آباد کی کال دےگا

— Sheikh Rashid Ahmed (@ShkhRasheed) September 4, 2022

ان کا کہنا تھا کہ لوگوں میں پیٹرول لینے اور بجلی کا بل دینے کی سکت نہیں، آپ مزید اضافہ کرنے جارہے ہیں، ستمبر ستمگرہوگا، سیلاب اترے گاتوعمران خان اسلام آباد کی کال دیں گے ۔