مڈفیلڈر جولیو کیمپوس بیک پاس کے بعد جان بوجھ کر گیند کو اپنے ہی نیٹ میں پھینکتے نظر آئے، جبکہگول کیپر لوئس انتونیو نے اسے روکنے کی کوئی کوشش بھی نہیں کی۔

جس کے بعد ایمازوناس ریاستی چیمپئن شپ کے دوسرے ڈویژن میں ایٹلاٹیکو ایمازونینز نے حریف سُل امریکہ کو 4-1 سے پیچھے چھوڑ دیا۔

کیمپوس کلب نے اس کے بعد اعلان کیا کہ ملوث افراد کو برطرف کردیا گیا ہے اور علاقائی استغاثہ سے مبینہ میچ فکسنگ کی تحقیقات شروع کرنے کو کہا گیا ہے۔

⚠️ POLÊMICA!

Gol contra do Atlético-AM ao fim do jogo na derrota por 4 a 1 para o Sul América tem suspeita de envolvimento de jogadores com apostas esportivas.

Em nota, o Atlético informa que o autor do gol, Júlio Campos, e outros envolvidos foram desligados do clube. pic.twitter.com/WvxJWBbveu

— Futebol do Amazonense 🏹🇧🇷 (@FuteboldoAM) September 5, 2022

اگرچہ اس میں کھلاڑیوں کا نام نہیں بتایا گیا، لیکن قیاس کیا گیا کہ ان میں لوئس انتونیو کے ساتھ ساتھ گیند کو نیٹ میں ڈالنے والا شخص بھی شامل ہے۔

حالانکہ متنازع گول نے اس بات پر کوئی اثر نہیں ڈالا کہ میچ کس نے جیتا، لیکن اتوار کی شکست نے ایٹلاٹیکو ایمازنینز کو ریاست کی اعلیٰ درجے کی لیگ میں ترقی کی دوڑ سے باہر کر دیا۔

ایٹلاٹیکو ایمازنینز نے ایک بیان میں اس واقعے کو “سنگین تخریب کاری” کی کارروائی قرار دیا اور اپنا ہی گول کرنے والے مڈفیلڈر کے بارے میں کہا کہ “اس کے غیر اخلاقی رویے نے ہماری ٹیم کی ترقی کی تمام امیدوں کو برباد کر دیا اور یہ واضح کر دیا کہ کھیل کے آغاز سے ہی کھلاڑی اپنی ٹیم کو سبوتاژ کرنے کے لیے پرعزم تھا۔”

بیان میں کہا گیا کہ “ ذاتی فائدے کے لیے میچ فکسنگ کے پختہ ثبوت موجود ہیں۔ ہم اس ناانصافی کو کسی صورت برداشت نہیں کریں گے۔ میچ کے دن کھلاڑی کو اسکواڈ سے باہر کردیا گیا۔“

“ہم نے پہلے ہی اس معاملے کی تحقیقات کے لیے ریاستی پبلک پراسیکیوٹر کے دفتر سے رابطہ کیا ہے۔”