گذشتہ روز سوات کےعلاقے برہ بانڈئی میں امن کمیٹی کے رکن کی گاڑی پر بم حملہ ہوا تھا، جس کے بعد آج صبح جائے دھماکا کے قریب کھیتوں سے مزید 3 افراد کی لاشیں ملی ہیں۔

دھماکے میں جاں بحق افراد کی تعداد 8 ہوگئی ہے، جبکہ دھماکے کا مقدمہ سی ٹی ڈی نے درج کرلیا۔

واضح رہے کہ حملے میں امن کمیٹی کے ممبرادریس خان سمیت 5 افراد جاں بحق ہوئے، جن میں 2 پولیس اہلکار بھی شامل تھے۔

پولیس کا کہنا تھاکہ ابتدائی اطلاعات کے مطابق دھماکا ریموٹ کنٹرول کے ذریعے کیا گیا تاہم حملہ گزشتہ روزامن جرگے کےرکن ادریس خان پرکیا گیا تھا۔