زکربرگ کے مطابق واٹس ایپ کال لنکس سے صرف ایک ٹیپ پر کال شروع کی جاسکے گی اور اس میں شامل بھی ہوا جاسکے گا۔

زکربرگ نے اپنے بیان میں کہا کہ، “ہم اس ہفتے سے واٹس ایپ پر کال لنکس شروع کر رہے ہیں تاکہ آپ ایک ہی ٹیپ سے کال شروع کرسکیں۔ ہم 32 صارفین تک کے لیے محفوظ انکرپٹڈ ویڈیو کالنگ کی بھی جانچ کر رہے ہیں۔

کمپنی کے مطابق صارفین کالز ٹیب کے اندر موجود ’کال لنکس‘ آپشن کو ٹیپ کر سکتے ہیں اور آڈیو یا ویڈیو کال کے لیے لنک بنا سکتے ہیں، اسے فیملی اور دوستوں کے ساتھ آسانی سے شیئر کر سکتے ہیں۔

صارفین کو کال لنکس استعمال کرنے کے لیے ایپ کے تازہ ترین ورژن کی ضرورت ہوگی اور اس ہفتے سے اس فیچر کا رول آؤٹ شروع ہوگا۔

📞 Excited to introduce Call Links on @WhatsApp so you can easily start or join a call using just a link. Available for both audio and video calls starting this week. pic.twitter.com/SfSJMlMYEm

— Will Cathcart (@wcathcart) September 26, 2022

واٹس ایپ مبینہ طور پر ایک نیا فیچر لانے کی بھی منصوبہ بندی کر رہا ہے جو صارفین کو کسی بھی ڈاکیومنٹ میں کیپشن شامل کرنے کی اجازت دے گا۔

واٹس ایپ کے ترقی پذیر اور آنے والے فیچرز کو ٹریک کرنے والی ویب سائٹ WabetaInfo کے مطابق واٹس ایپ کے مستقبل کے اپ ڈیٹ شدہ ورژن میں جلد ہی کیپشن کے ساتھ ڈاکیومنٹس شیئر کرنے کا فیچر ہوگا۔

اگرچہ واٹس ایپ فی الحال کسی ڈاکیومنٹ فائل کو شیئر کرنے کی اجازت تو دیتا ہے، لیکن اس پر کیپشن لکھنے کا آپشن فراہم نہیں کرتا ہے۔