برطانوی جریدے کے مطابق انگلش کرکٹ بورڈ نے پاک بھارت ٹیسٹ سیریز سے متعلق پاکستان کرکٹ بورڈ (پی سی بی) اور بھارتی کرکٹ بورڈ (بی سی سی آئی) سے رابطہ کیا ہے۔

انگلش بورڈ کے ڈپٹی چیئرمین مارٹن ڈارلو کا کہنا ہے کہ دونوں ممالک کے افراد برطانیہ میں مقیم ہیں جس کی وجہ سے تماشائیوں کی کثیر تعداد میچز دیکھنے کے لئے اسٹیڈیم آئے گی۔

پی سی بی ذرائع کے مطابق انگلش بورڈ نے غیر رسمی آفر دی ہے لیکن بورڈ بھارتی ٹیم کی پاکستان میں میزبانی کرنے کا خواہشمند ہے۔

خیال رہے کہ دونوں ٹیموں کے درمیان آخری بار ٹیسٹ سیریز 2007 میں ہوئی تھی۔