واقعے کے حوالے سے ایس ایس پی حیدرآباد امجد شیخ نے کہا کہ گاڑی خراب ہونے پر ایک کار اور دو موٹر سائیکلوں پر 9 مسلح ملزمان آئے اور اسلحہ کے زور پر ڈکیتی کرکے 4 کروڑ لوٹ کر فرار ہوگئے۔

پولیس کے مطابق چار گاڑیاں کراچی سے مورو جارہی تھی واقعہ قومی شاہراہ پر تھانہ چھلگڑی کی حدود میں پیش آیا۔

ابتدائی معلومات کے مطابق گاڑی کی فرانزک کی گئی ہے جس میں بریک کے پاس ہتھوڑوں کے نشانات ہیں جبکہ ڈرائیور کی بھی کوتاہی نظر آرہی ہے کہ واقعے کے وقت گاڑی کا والٹ اور دروازہ بھی کھلا ہوا تھا جبکہ معاملے کی مزید تحقیقات کی جا رہی ہیں۔