نوجوان نسل میں بے حد مقبول احد رضا میر آج اپنی 29ویں سالگرہ منارہے ہیں ، ان کی ایک خاتون مداح نے اپنی ٹویٹ میں ایک خواہش کا اظہارکرتے ہوئے شرط رکھی کہ اگر ایسا ہوا تو وہ احد کیلئے گانا گائیں گی۔

چاندنی اوشین کے ہینڈل سے یہ اکاؤنٹ مناہل نامی خاتون کا ہے جنہوں نے لکھا تھاکہ ، “ اگراحد رضامیرمجھے جواب دیں گے تو میں ان کے لیے سالگرہ کا گانا گاؤں گی“ ۔

خاتون پرستار کی جانب سے ٹویٹ میں اس خدشے کا بھی اظہارکیا گیا تھا کہ وہ جانتی ہیں ایساہوگا نہیں ، لیکن ان کی امیدوں کے برعکس احد نے جواب میں “اب گائیں ’ لکھ کر اپنے سارے فین کلب کو ہی پُرجوش کردیا۔

NOW SING.

— Ahad Raza Mir (@ahadrazamir) September 29, 2022

مناہل کا کہنا ہےکہ سالگرہ تو احد کی ہے لیکن اداکار نے ان کا دن یادگار بنادیا۔

اب ٹوئٹرپراداکار کے نام سے مختلف جذباتی وابستگی ظاہرکرتے کئی ہینڈلزمیں اسی بات کا چرچا ہے۔

مناہل کو خوش قمست گردانتے ہوئے احد کے دیگرمداح منتظرہیں کہ وہ کب گانا گائیں گی۔

دلچسپ بات مناہل کی وضاحتیں ہیں کہ وہ احد کا جواب موصول ہوجانے کے بعد بھی اب تک گانا کیوں نہیں گاسکیں۔ انہوں نے بتایا کہ اپنا پاسپورٹ ری نیو کروانے گئی ہوئی تھیں جب احد کا جواب آیا،اب گانا ریکارڈ کریں گی اور بھیج دیں گی۔

یہ گانا آپ کے لیے ضرورشیئرکیا جاتا لیکن ایسا کرنا ہمارے نہیں، احد کے اختیارمیں ہوگا کیونکہ انکی مداح اسے ڈائریکٹ احد کو ہی بھیجیں گی جو شاید وہ مداحوں کی مزید خوشی کا سامان کرتے ہوئے آپ کے ساتھ بھی شیئرکریں۔