کرائسٹ چرچ میں ٹرافی کی رونمائی کے دوران پاکستانی کپتان بابراعظم، کیوی کپتان کین ولیم سن اوربنگلادیش کے قائم مقام کپتان نور الحسن نے مختلف مقامات پرتصاویربنوائیں۔

پاکستان کرکٹ بورڈ نے آفیشل ٹوئٹراکاؤنٹ پریہ تصاویرشیئرکرتے ہوئے بتایا کہ سیریزکے پہلے میچ میں پاکستان اور بنگلہ دیش مدمقابل ہوں گے۔

سات اکتوبر سے شروع ہونے والی سیریزکا فائنل 14 اکتوبرکوکھیلاجائے گا۔

سیریز کے لیے قومی ٹیم کل سے ٹریننگ کا آغاز کررہی ہے، کرائسٹ چرچ میں بوندا باندی سے موسم مزید سرد ہوگیا جس کا ثبوت شاداب خان کی تصویر سے بھی ملتا ہے۔

اس سیریز کے بعد قومی ٹیم ورلڈ ٹی ٹونٹی میں شرکت کے لئے 15 اکتوبر کو برسبین آسٹریلیا پہنچے گی جہاں وہ ورلڈ ٹی 20 ورلڈ کپ کے آغاز سے قبل افغانستان اورانگلینڈ کے خلاف 2 دو پریکٹس میچز کھیلے گی۔

یاد رہے کہ آئی سی سی ٹی20ورلڈ کپ 16اکتوبرسے 13نومبرتک آسٹریلیا کے مختلف شہروں میں کھیلا جائے گا۔