نوٹی فکیشن کے مطابق وفاقی کابینہ میں ایک اور معاون خصوصی کا اضافہ کیا گیا ہے، یہ عہدہ وزیر مملکت کے برابر ہوگا۔

جس کے بعد وفاقی کابینہ کے ارکان کی تعداد 75 ہوگئی۔

طارق باجوہ ایک ریٹائرڈ سرکاری ملازم ہیں، جنہوں نے سیکرٹری خزانہ اور اقتصادی امور کے سیکرٹری کے طور پر خدمات انجام دی ہیں۔

انہوں نے 7 جولائی 2017 سے 3 مئی 2019 تک اسٹیٹ بینک آف پاکستان کے 19ویں گورنر کے طور پر بھی خدمات انجام دیں۔

اس کے ردعمل میں قومی اسمبلی کے سابق اسپیکر اسد قیصر نے کہا ہے کہ امپورٹڈ اور نااہل حکومت کی کابینہ کی تعداد75 ہوگئی۔

اپنے ٹوئٹر بیان میں اسد قیصر نے کہا کہ امپورٹڈ حکومت میں 34 وزاء 6 ایڈوائزر اور 28 معاون خصوصی ہیں، جن میں اکثریت کے پاس کوئی وزارت نہیں۔

ان کا کہنا تھا کہ معیشت تنزلی کی طرف جارہی ہے، اور ان کواپنی عیاشیوں سے فرصت نہیں ملتی۔