سندھ ہائیکورٹ میں بل بورڈز، ہورڈنگز پر پابندی سے متعلق سماعت ہوئی۔

عدالت نے سندھ حکومت کو جواب جمع کرانے کے لیے آخری مہلت دیتے ہوئے تمام اسٹیک ہولڈرز سے مشاورت سے متعلق رپورٹ آئندہ سماعت پر طلب کرلی۔

جس کے بعد عدالت نے درخواست کی مزید سماعت 15 نومبر تک ملتوی کردی۔

خیال رہے کہ اشتہاری کمپنیوں نے کنٹونمنٹ بورڈز ٹیکس لیوی کیخلاف عدالت سے رجوع کر رکھا ہے۔

سپریم کورٹ نے 2018 میں پبلک پراپرٹیز پر بل بورڈز، ہورڈنگز پر پابندی کا حکم دیا تھا۔