شہداد کوٹ نصیرآباد کے علاقے میں سیلاب متاثرین نے کراچی نصیرآباد انڈس ہائی وے بائی پاس روڈ پراحتجاجی مظاہرہ کرکے ٹائر جلاکر دھرنا دیا۔

احتجاج کے باعث کراچی لاڑکانہ حیدرآباد شہداد کوٹ آ نے جانے والی ٹریفک 5 گھنٹے تک معطل ہوگئی جبکہ مظاہرین نے انتظامیہ کے خلاف سخت نعرے بازی کی۔

اس موقع پر معشوق علی کانڈرو حزب اللہ کریم بخش اور دیگر نے کہا کہ ہمارا گاؤں نبی بخش کانڈرو سیلابی پانی میں ڈوب گیا تھا اور ہماری فصل بھی تباہی ہوگی۔

انہوں نے کہا کہ انتظامیہ ابھی تک نہ ہم کو راشن ٹینٹ دی رہی اور بارش کے گندے پانی کی وجہ سے ہمارے بچے اور عورتیں مرد بھی بیمار پڑے ہیں۔

وزیراعلیٰ سندھ سید مراد علی شاہ سے مطالبہ ہے کہ میرے ساتھ انصاف کیا جائے 5 گھنٹے کے بعد ٹریفک موٹر وے افسران کی یقین دینی پر دھرنا ختم کیا گیا۔