اسلام آباد میں پریس کانفرنس کرتے ہوئے احسن اقبال نے عمران خان کو شدید تنقید کا نشانہ بناتے ہوئے کہا کہ عمران خان نے چارسال تک سى پيک کو رول بيک کیا اور پی ٹی آئی وزرا نے منصوبے کو متنازع بنانے کی کوشش کی۔

احسن اقبال نے کہا کہ آئی ایم ایف پروگرام رکوانے میں بھارت اورعمران خان ایک پیج پر تھے، اور اب عمران خان پھر لانگ مارچ پر اُتر آئے۔

انہوں نے کہا کہ آرمی چیف کی تقرری سیاسی نہیں انتظامی معاملہ ہے، خان صاحب بھارت اور کالعدم ٹى ٹى پى سے بات کرسکتے ہیں مگر حکومت سے نہیں۔

احسن اقبال کا کہنا تھا کہ جلسوں کیلئے جگہ مختص ہے تاہم اگرلشکر کشی کی تو قانون حرکت میں آئے گا، حکومت ریڈ زون کا دفاع کرے گی۔