قومی کرکٹ ٹیم کل سے بھارت کے خلاف اپنے پہلے ٹاکرے کے لئے میلبرن میں بھرپور ٹریننگ کا آغاز کرے گی۔

اس سے قبل برسبین میں قیام کے دوران پاکستان ٹیم نے 2وارم اپ میچز کھیلےاورایک ٹریننگ سیشن بھی کیا۔

وارم اپ میچ میں قومی کرکٹ ٹیم کو کامیابی نہیں ملی،انگلینڈکے خلاف میچ میں پاکستان کو 6وکٹوں سے شکست ہوئی جبکہ افغانستان کے خلاف میچ بارش کے باعث نامکمل رہا۔

آئی سی سی ٹی 20ورلڈ کپ کا سپر 12 مرحلہ ہفتے سے شروع ہورہا ہے، پاکستان ٹیم اپنی مہم کا آغاز23 اکتوبر کو میلبرن میں بھارت کے خلاف میچ سے کرے گا۔

میلبرن کے بعد قومی ٹیم پرتھ میں 27 اور 30 اکتوبر کو کوالیفائیرز کے خلاف میچز کھیلے گی۔