پی ڈی ایم اور حکمران اتحاد کی جانب سے جلد ڈپٹی چیئرمین سینٹ مرزا محمد آفریدی کے خلاف تحریک عدم اعتماد کی قرارداد سینیٹ سیکرٹریٹ میں جمع کرا دی جائے گی۔

تحریک عدم اعتماد پر اراکین کے دستخط لینے کا سلسلہ جاری ہے، اب تک 50 سے زائد اراکین کے دستخط لئے جا چکے ہیں۔

حکمران اتحاد کو ایوان بالا میں 67 اراکین جبکہ اپوزیشن کو صرف 33 اراکین کی حمایت حاصل ہے۔

مرزا محمد آفریدی کو تحریک انصاف نے ڈپٹی چیئرمین منتخب کرایا تھا، تحریک پر ووٹنگ سینیٹ کے اگلے اجلاس میں ہوگی۔

حکمران اتحاد نئے ڈپٹی چیئرمین سینیٹ کے لئے جے یو آئی (ف )یا اے این پی میں سے کسی ایک جماعت کے سینیٹر کو امیدوار کے طور پر لائے گا۔