میڈیا کے مطابق شارجہ پولیس نے سوشل میڈیا پر ووائس نوٹ وائرل ہونے کے بعد سڑک پر ایک شخص کو بلیک میل کرنے والی خاتون کو گرفتار کیا ہے۔

کلپ میں متاثرہ شخص نے کہا کہ اسے سڑک پر ایک خاتون نے روک کر کہا کہ اس کے پاس پیسے نہیں ہیں، تو وہ اسے اس کی منزل پر چھوڑ دے۔

گاڑی کے اندر داخل ہونے کے بعد خاتون نے مبینہ طور پر مرد سے کہا کہ یا تو اسے 3 ہزار درہم دے ورنہ وہ پولیس کو کال کرکے مشکل میں ڈال دے گی۔

دوسری جانب متاثرہ شخص نے بدنامی کے خوف سے پولیس میں شکایت درج نہیں کرائی تاہم شارجہ پولیس نے کلب وائرل ہونے کے بعد دونوں تک پہنچ گئی اور خاتون کو گرفتار کر لیا۔

پولیس نے مزید کارروائی کے لیے پبلک پراسیکیوشن کو بھجوا دیا ہے۔