سوشل میڈیا پر اشوین کی ”چیٹنگ“ کے چرچے ہورہے ہیں، فاکس اسپورٹس نے بھی اس معاملے پر کلاس لے لی، ادھر آخری اوور میں نواز کی گیند نو بال قرار دینے پر شفاف امپائرنگ پر بھی سوالات اٹھ گئے۔

آسٹریلوی ٹی وی فاکس اسپورٹس نے لکھا، ”یہ کرکٹ نہیں اشوین پاکستان کے خلاف چیٹنگ کرتے پکڑے گئے۔“

سری لنکن صحافی ڈینئل الیگزینڈر نے ٹویٹ کیا، ”اشوین نے جانتے ہوئے یہ ظاہر کرنے کی کوشش کی کہ کیچ پکڑلیا ہے جو کھیل کی اسپرٹ کے منافی ہے۔“

بھارتی صحافی مناک گپتا نے بھی ٹویٹ میں لکھا، ”یہ کیسے ہوسکتا ہے کہ اشوین کو معلوم نہ ہو کہ گیند پہلے ہی گر چکی ہے۔“

یہی نہیں، پاک بھارت میچ کے دوران شفاف امپائرنگ پر بھی انگلیاں اٹھ گئیں۔ نواز کی گیند کو نو بال قرار دینے پر صارفین کافی غصے میں دکھائی دئیے۔

انگلینڈ کے سابق کپتان ناصر حسین نے بھی امپائر کے فیصلے کو غلط قرار دیا۔

سابق آسٹریلوی کرکٹر بریڈ ہوگ نے بھی امپائرنگ پر سوالات اٹھا دئیے۔

بھارت کی جیت پر سوشل میڈیا پر ”چیٹنگ“ ٹاپ ٹرینڈ میں شامل ہوچکا ہے۔