سماجی رابطے کی ویب سائٹ ٹوئٹر پر جاری بیان میں سابق وفاقی وزیر فواد چوہدری نے کہا کہ کینیا کا میڈیا صحافی ارشد شریف کی شہادت پر پاکستانی میڈیا سے زیادہ سوال اہم سوالات اٹھارہا ہے، اس سے اندازہ لگالیں پاکستانی میڈیا اس وقت کتنے زیادہ سنسر شپ اور جبر کا شکار ہے۔

انہوں نے مزید کہا کہ اس معاملے پر طاقتور جوڈیشل کمیشن بنانا پاکستان کی جمہوریت کی ضرورت ہے، ارشد شریف کا خون رائیگاں نہیں جانے دیں گے۔

دوسری جانب اسلام آباد میں پارلیمنٹ ہاؤس کےباہر احتجاج کرتے ہوئے فواد چوہدری نے کہا کہ حقیقی آزادی مارچ کی کال آنے والی ہے، عوام نہ کھڑے ہوئے توجمہوریت دفن ہوجائے گی۔