ایمرجنسی آپریشن سینٹرکے مطابق سندھ میں جولائی 2020 سے اب تک ایک بھی پولیو کیس رپورٹ نہیں ہوا ہے۔

سندھ بھرمیں گذشتہ دوز سے انسداد پولیو مہم جاری ہے جس میں اب تک 10فیصد سے زائد ہدف مکمل کرلیا گیا ہے، جبکہ مہم 30 اکتوبر تک جاری رہے گی۔

ایمرجنسی آپریشن سینٹر فارپولیو کے مطابق اگست 2022 میں کراچی کے علاقے ملیر کے گٹرکے پانی میں پولیو وائرس کی موجودگی پائی گئی تھی۔

جس کی وجہ سے ستمبر میں اضافی پولیو مہم چلائی گئی، جبکہ رواں سال پاکستان میں پولیو کے 20 کیس رپورٹ ہو چکے ہیں۔

رپورٹ ہونے والے تمام کیسز کا تعلق خیبر پختونخوا سے ہے اورمہم میں 17 ہزار 8 سو 59 پولیو ٹیمیں حصہ لے رہی ہیں۔