اسٹیٹ بینک کے مطابق دس، پچاس اور ایک ہزار روپے کے پرانے ڈیزائن کے نوٹ 31 دسمبر2022 تک تبدیل کرائے جاسکتے ہیں- یہ نوٹ ملک بھر میں مرکزی بینک کے دفاتر سے تبدیل کروائے جاسکتے ہیں، مقررہ تاریخ کے بعد یہ نوٹ ناقابل تبدیل ہوں گے۔

دوسری جانب حکومت نے ساڑھے سات ہزار روپے سے چالیس ہزار روپے مالیت تک کے غیررجسٹرڈ انعامی پرائز بانڈز کی واپسی کی تاریخ میں توسیع کردی ہے۔

محکمہ قومی بچت نے ان بانڈز کی واپسی کے لیے تاریخ میں تیس جون دوہزار تیئیس تک توسیع کی ہے، جس کا نوٹی فکیشن جاری کردیا گیا ہے۔