ٹوئٹر پر جاری بیان میں نواز شریف نے کہا کہ عمران خان کا انقلاب ان کی 4 سالہ حکمرانی میں عوام دیکھ چکی ہے، ان کا لانگ مارچ کسی انقلاب نہیں بلکہ اپنی مرضی کا آرمی چیف لگانے کے لئے ہے۔

نواز شریف نے ٹویٹ میں لکھا کہ دوسروں کو چور کہنے والا عمران خان خود فارن فنڈنگ، توشہ خانہ اور 50 ارب کی ڈکیتی کے نا قابل تردید ثبوتوں کے ساتھ تاریخ کا سب سے بڑا چور ثابت ہوا ہے۔

واضح رہے کہ پی ٹی آئی چیئرمین نے گزشتہ روز جمعے سے لانگ کرنے کا اعلان کیا تھا جو لاہور کے ڈی چوک سے شروع ہوگا اور جی ٹی روڈ سے اسلام آباد کی جانب گامزن ہوگا۔

عمران خان کا پریس کانفرنس کرتے ہوئے کہنا تھا کہ ان کا لانگ مارچ پُر امن ہوگا کیونکہ اس میں فیملیز بھی آتی ہیں، وہ مارچ کو ریڈ زون لے کر نہیں جائیں گے۔