جویریہ صدیقی ٹوئٹر پر مسلسل ایکٹیو ہیں اور مرحوم ارشد شریف کے حوالے سے اطلاعات فراہم کر رہی ہیں، لیکن ساتھ ہی اس حوالے سے جاری ہونے والے بیانات، تنقید اور خبروں کو بھی ری ٹوئٹ کررہی ہیں جس پر سوشل میڈیا صارفین نالاں نظر آرہے ہیں۔

کچھ ٹوئٹر صارفین کی جانب سے انہیں بے حس قرار دیا گیا تو کسی نے انہیں کچھ وقت کیلئے سوشل میڈیا سے دور رہنے کا مشورہ دیا ہے۔

ایک طرف جہاں جویریہ صدیقی پر تنقید کا سلسلہ جاری ہے تو دوسری جانب ارشد شریف کے چاہنے والوں کی جانب سے انہیں دلاسے اور تسلیاں بھی دی جارہی ہیں، جبکہ کچھ صارفین کی جانب سے ناقدین کو جوابات بھی دیے گئے ہیں۔