سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ غریب عوام اور پاکستان سنگین ترین بحران سے گزر رہا ہے، کمپنی کی مشہوری کے لئے شہباز شریف نومبر میں جتنے غیرملکی دورے کرنے ہیں کر لیں ،غیر مقبول بھکاریوں کو کوئی خیرات نہیں دے گا۔

انہوں نے کہا کہ اسلام آباد کی عوام اسلام آباد کے اندر سے نکل آئی تو کرپٹ ٹولے کو بھاگنے کی جگہ نہیں ملے گی، نومبر میں آر یا پار ہوجائے گا ۔

اپنے ایک اور ٹویٹ میں شیخ رشید نے مزید کہا کہ آج عمران خان لبرٹی چوک سے سیاست کے آخری 5 اوورکروانےجارہاہے،میں خود بھی لبرٹی چوک جاؤں گا،جمعے کو لانگ مارچ روالپنڈی پہنچے گا۔

عوامی مسلم لیگ کے سربراہ کا کہنا تھا کہ میری دعا ہے کہ لانگ مارچ امن و امان آئین اورقانون کے مطابق اپنےمقاصدحاصل کرےحکمران جو انتشار اورخلفشار کا خوف پھیلارہےہیں وہ شرمندہ تعبیرہوگا۔