ذرائع کے مطابق دونوں رہنماؤں میں ڈیڑھ گھنٹے تک ون ٹوون ملاقات ہوئی اور گورنرسندھ نے پیرپگارا کواہم شخصیت کا پیغام پہنچایا جبکہ ون ٹو ون ملاقات کے بعد رات کاکھانا بھی ساتھ کھایا۔

گورنرسندھ کامران ٹیسوری کا کہنا تھا کہ سندھ میں آپ کا سیاسی اورروحانی کردارہے اور اداروں سے ٹکراؤ کسی کے مفاد میں نہیں ہے۔

دوسری جانب پیرپگارا نے کہا کہ اسلام اور پاکستان کے مفاد سب سے زیادہ عزیزہیں، سیاسی قوتوں سے شکایتیں ہوسکتی ہیں،ہم سب کوساتھ لےکرچلتے ہیں۔

پیرپگارا نے گورنرکو یقین دہانی کرائی کہ میری جماعت آپ کے ساتھ ہے، سب کوساتھ لے کرچلیں سندھ میں اپناموثرکرداراداکریں۔

گورنرسندھ کامران ٹیسوری نے کہا کہ تمام اسٹیک ہولڈرسے مل کرکام کروں گا۔