لاہور کے علاقے رائیونڈ مانگا بائی پاس کے قریب واقع فیکٹری میں اچانک سلنڈر دھماکے کے نتیجے میں دو افراد جاں بحق ہوگئے۔

ریسکیو کے مطابق دھماکہ اس وقت پیش آیا جب ورکرز ویلڈنگ کا کام کر رہے تھے، جاں بحق ہونے والوں کی شناخت 37 سالہ اعجاز اور 45 سالہ عاشق کے نام سے ہوئی ہے۔

ریسکیو کا کہنا ہے کہ جاں بحق ہونے والوں کی لاشیں نکال کر پولیس کے حوالے کردی ہیں۔

تاہم پولیس نے لاشوں کو مردہ خانے منتقل کردیا ہے جو ضروری کارروائی کے بعد ورثا کے حوالے کردی جائیں گی۔