سوشل میڈیا پر تیزی سے وائرل ہونے والی ان تصاویر فنکاروں کو مختلف خوفزدہ کردینے والے روپ میں دیکھا جا سکتا ہے جبکہ اداکارہ اریبہ حبیب نے جو تصویر شیئر اس کی وجہ سے انہیں شدید تنقید کا سامنا ہے۔

اریبہ حبیب نے ایک سفید برقعہ میں تصویر شیئر کی جس پر بشری بی بی لکھا ہوا تھا کہ جس کے بعد سوشل میڈیا صارفین نے اداکارہ اریبہ حبیب کو بشری بی بی کا روپ دھارنے پر تنقید کا نشانہ بنایا۔

لیکن دراصل تصویر میں اریبہ حبیب نہیں بلکہ ڈائریکٹر یاور اقبال نے ہیلووین کے لیے عمران خان کی اہلیہ بشریٰ بی بی کا لباس زیب تن کیا جس کی وضاحت اریبہ حبیب نے بھی کی ۔

ڈائریکٹر یاور اقبال نے ہیلووین کے لیے مکمل سفید نقاب پہنا اوران کا چہرہ چھپا ہے جسے دیکھنے والا دیکھ کر بشری بی بی ہی سمجھے گا ۔

یاور اقبال نے پروڈیوسر اسد الحق اور ان کی اہلیہ فرح کے ساتھ بھی ایک تصویر پوسٹ کی جس میں تینوں ہیلوین پارٹی کے ملبوسات میں ملبوس تھے،اس تصویر کے کیپشن میں انہوں نے لکھا کہ ’لالی ووڈ‘، ’مولوی ووڈ‘، ’ہالی ووڈ‘۔

تنقید کا سلسلہ بڑھا تو اداکارہ اریبہ حبیب نے اپنی انسٹاگرام اسٹوری پر یاور کے ملبوسات کی تصویر شیئر کرنے پر مداحوں سے معذرت کرلی ۔