اپنے بیان میں شرجیل انعام میمن نے کہا کہ لانگ مارچ سے مایوس ہو کر عمران خان نے تحریک انتشار کو دس ماہ تک طول دینے کا اعلان کیا ہے۔

انہوں نے کہا کہ عمران خان نے یہ اعلان کرکے تسلیم کر لیا کہ ان کا لانگ مارچ ناکام ہوچکا ہے۔

انہوں نے مزید کہا کہ عمران خان اور پی ٹی آئی نام نہاد آزادی مارچ نکال کر برے طریقے سے پھنس چکے ہیں، فیس سیونگ کے لیے بہانے تلاش کئے جا رہے ہیں، عمران خان کا لانگ مارچ جی ٹی روڈ کے چکر لگاتا رہے گا۔

ان کا کہنا تھا کہ جھوٹا، منافق شخص معصوم پاکستانیوں کو گمراہ کرتا رہا، جھوٹے حلفیہ بیان جمع کر کےعمران خان الیکشن کمیشن اورعدالتوں کو گمراہ کرتا رہا۔