نوشہرہ کے علاقے پبی بازار میں نامعلوم افراد نے فائرنگ کرکے تاجر سمیت دو افراد کو قتل کر کے فرار ہونے میں کامیاب ہوگئے۔

مصروف ترین بازار شیخ بابا میں مشہور سونار ظفردوکان میں بیٹھا تھا کہ اس دوران دو موٹر سائیکل سواروں نے اندھا دھند فائرنگ کردی۔

جس کے نتیجے میں سونار ظفر اور عمران موقع پر جاں بحق ہوگئے۔

واقعے کے بعد انجمن تاجران نے پشاور نوشہرہ جی ٹی روڈ کو ہر قسم ٹریفک کیلئے بند کر دیا۔

تاجر مظاہرین نے 3 گھنٹے پولیس سے مذاکرات کے بعد روڈ کو ٹریفک کیلئے کھول دیا۔

یاد رہے کہ نوشہرہ میں راہزنی اور خونی وارداتوں سے عوام خوف میں مبتلا ہیں۔