سیالکوٹ میں ورکرز کنوینشن سے خطاب کرتے ہوئے خواجہ آصف نے کہا کہ عمران خان کہتے تھے میں اپنے جلسے میں 20 لاکھ لوگ لے کر آؤں گا لیکن گوجرانوالا پہنچتے پہنچتے لانگ مارچ میں صرف کچھ ہزار لوگ رہ گئے تھے،عمران خان کا لانگ مارچ شارٹ مارچ ہوچکا تھا۔

خواجہ آصف نے کہا کہ پنجاب حکومت کے ذمے مارچ کی سکیورٹی برقرار رکھنی تھی، دراصل یہ پنجاب حکومت کی ناکامی ہے جب کہ وزیرآباد واقعے کی ایف آئی آر میں بھی تاخیر کی گئی۔

ان کا مزید کہنا تھا کہ عمران ہر چند دن کے بعد اپنا بیانیہ تبدیل کردیتے ہیں، ان کا بیانیہ کرپشن ختم کرنا تھا تاہم وہ خود کرپشن میں نا اہل ہوگئے۔