ایک بیان میں مولانا فضل الرحمان نے کہا کہ عمران خان نے معاشرے میں نفرتوں کی آگ لگائی، اب وہ خود اپنی لگائی آگ میں جل رہے ہیں، سیاست میں اندھی جنونیت کا استعمال انہیں لے ڈوبے گا۔

انہوں نے کہا کہ گوجرانوالا واقعہ پنجاب کی حدود میں پیش آیا، ملزم کو پی ٹی آئی کارکنان نے پکڑ کر پولیس کے حوالے کیا اور بعدِ ازاں پنجاب پولیس نے ہی ملزم سے بیان لیا ہے۔

پی ڈی ایم سربراہ کا مزید کہنا تھا کہ عمران خان الزامات لگا کر انتشار پھیلا رہے ہیں، لہٰذا واقعہ کی اعلیٰ سطح کی تحقیقات ضروری ہوگئی ہیں۔