وزیراعلیٰ پنجاب کی زیر صدارت اجلاس میں روڈ سیفٹی کیلئے اقدامات کا جائزہ لیا گیا۔

پرویزالٰہی نے صوبائی ٹاسک فورس برائے روڈ سیفٹی تشکیل دینے کی منظوری دی جس کے سربراہ صوبائی وزیر راجہ بشارت ہوں گے، چیف سیکرٹری اور آئی جی پنجاب سمیت دیگر حکام ٹاسک فورس کا حصہ ہوں گے۔

وزیر اعلیٰ پنجاب نے موٹرسائیکل رکشہ کی جگہ الیکٹرک منی کارٹ متعارف کرانے کی منظوری دی جبکہ صوبے میں آلودگی میں کمی کیلئے ماحول دوست الیکٹرک بائیک کو فروغ دینے کا فیصلہ بھی کیا گیا۔

پرویز الٰہی کا کہنا تھا کہ ٹریفک حادثات میں کمی کیلئے سڑکوں اور سرکاری گاڑیوں کی مرمت پر خصوصی توجہ دی جائے اور کم عمر ڈرائیوروں کیخلاف سخت قانونی کارروائی کی جائے۔