سڈنی ایئر پورٹ پربھی فینز نے کھلاڑیوں کے ساتھ تصاویر بنوائیں۔

اس سے قبل سڈنی روانہ ہوتے وقت ہوٹل کے باہر شائقین نے کھلاڑیوں کے ساتھ سیلفیاں بنوائیں اور آٹو گراف لیے۔

قومی کرکٹرز آج سڈنی پہنچ کر ہوٹل میں آرام کریں گے، قومی اسکواڈ کل کسی کرکٹ سرگرمی میں شرکت نہیں کرے گا۔

پاکستان اور نیوزی لینڈ کے درمیان ٹی 20 ورلڈ کپ کا پہلا سیمی فائنل 9 نومبر (بدھ) کو سڈنی میں کھیلا جائے گا۔

اسی طرح دوسرے سیمی فائنل میں بھارت اور انگلینڈ کی ٹیمیں ایڈیلیڈ کے میدان میں 10 نومبر (جمعرات) کو مدِ مقابل ہوں گی۔

واضح رہے کہ ایڈیلیڈ میں پاکستانی ٹیم بنگلادیش کو 5 وکٹ سے ہرا کر ٹی 20 ورلڈ کپ کے سیمی فائنل میں پہنچی ہے۔