توئٹر پر جاری اپنے پیغام میں مصطفیٰ نواز نے کہا کہ آج پارٹی کے ایک سینئر لیڈر سے ملاقات کی۔ انہوں نے پیغام پہنچایا کہ پارٹی قیادت میری سیاسی پوزیشن سے خوش نہیں اور سینیٹ سے میرا استعفیٰ چاہتی ہے۔ میں نے بخوشی استعفیٰ دینے پر رضامندی ظاہر کی۔

انہوں نے لکھا کہ ایک سیاسی کارکن کے طور پر، میں مفاد عامہ کے معاملات پر اپنی رائے کا اظہار کرنے کے اپنے حق کی قدر کرتا ہوں۔

مصظفیٰ نواز نے لکھا کہ سندھ سے سینیٹ کی نشست دینے پر پارٹی قیادت کا مشکور ہوں۔ اختلافات کو ایک طرف رکھتے ہوئے، یہ ان کے ساتھ ایک شاندار سفر رہا ہے اور ان کے لیے نیک تمنائیں ہیں۔ انشاء اللہ کل چیئرمین سینیٹ کو ذاتی طور پر استعفیٰ پیش کروں گا۔