مسلح افراد کی جانب سے تھانے پر بھاری ہتھیاروں سے حملہ کیا گیا، جس کے نتیجے میں دو اہلکار سپاہی حمید اور فرمان شہید ہوگئے۔

حملے میں دو پولیس اہلکار زخمی بھی ہوئے، زخمیوں کو فوری طور پر وانا ڈسٹرکٹ ہیڈکوارٹر اسپتال منتقل کردیا گیا۔ مسلح افراد نے تھانے کی گاڑی کو بھی آگ لگادی ہے۔

اس کے علاوہ ذرائع نے بتایا ہے کہ مسلح افراد سرکاری اسلحہ سمیت گاڑی ساتھ لے گئے ہیں۔

پولیس کے مطابق علاقے میں سرچ آپریشن جاری ہے لیکن تاحال کوئی گرفتاری عمل میں نہیں آئی ہے۔