اداکارہ مشی خان نے بھی رابعہ انعم کو تنقید کا نشانہ بناتے ہوئے ٹوئٹر پر ویڈیو پوسٹ کی جس میں انہوں نے کہا کہ رابعہ ایک اٹینشن سیکر ہے اس کو بس ہر حال میں توجہ چاہیے ہوتی ہے، یہ بہت ہی غلط بات ہے کہ آپ کسی شو میں بیٹھ کر ہزاروں لوگوں کے سامنے ایک انسان کی تضحیک کریں۔

رابعہ انعم میزبان ندا یاسر کا شو چھوڑ کر کیوں گئیں؟

انہوں نے کہا کہ رابعہ انعم نے آکر میک اپ کروایا ہو گا شو سے پہلے ڈسکشنز ہوئی ہوں گے تو کیا انہیں پتہ نہیں چلا کہ محسن عباس حیدر اس شو میں بطور مہمان شریک ہو رہے ہیں۔

انہوں نے یہ بھی کہا کہ ایسا لگتا ہے کہ رابعہ انعم نے پروگرام شروع ہونے کا انتظار کیا اور شو میں بیٹھ کر پبلسٹی اسٹنٹ کھیل کر اٹھ گئیں جو کہ بہت ہی غلط بات ہے۔

یاد رہے کہ ماضی میں اداکار محسن عباس حیدر پر ان کی سابق اہلیہ اداکارہ فاطمہ سہیل نے ان پر 2018 میں بدترین گھریلو تشدد کے الزامات لگانے کے بعد ان سے خلع لے لی تھی۔