وزارت خارجہ نے ترجمان عاصم افتخار کی جگہ ممتاز زہرا بلوچ کو نئی ترجمان مقرر کردیا ہے۔

ممتاز زہرا بلوچ دفتر خارجہ میں ایڈیشنل سیکرٹری کے عہدے پر کام کررہی ہیں، وہ جنوبی کوریا میں پاکستان کی سفیر بھی رہ چکی ہیں، عاصم افتخار احمد فرانس میں پاکستانی سفیر کا منصب سنبھالنے کے لئے پیرس پہنچ چکے ہیں۔

دفترخارجہ میں ڈائریکٹر جنرل سٹریٹجک کمیونکیشن کے عہدے پر کام کرنے والی صائمہ میمونہ سید کو ڈپٹی ترجمان وزارت خارجہ تعینات کیا گیا ہے، پہلی مرتبہ دفترخارجہ میں نائب ترجمان کا تقرر کیا گیا ہے۔

صائمہ سید کئی اہم مشنز میں پاکستان کی نمائندی کرچکی ہیں، ترجمان اور نائب ترجمان دونوں خاتون افسران ہیں۔