شہباز شریف نے اپنا لندن میں قیام مزید ایک روز کے لئے بڑھا دیا ہے جس کے تحت اب وہ کل شام پاکستان کے لئے روانہ ہوں گے۔

شہباز شریف جمعے کی شام طبیعت کی خرابی کے باعث وطن روانہ نہیں ہوسکے تھے۔

ہلکے بخار کی وجہ سے فیملی ارکان نے شہباز شریف کو سفر کی بجائے آرام کا مشورہ دیا تھا۔

واضح رہے کہ وزیر اعظم شہباز شریف کو جمعہ کو روانہ ہونا تھا تاہم بعض وجوہات کی بنا پر پاکستان روانگی میں تاخیر کی گئی تھی۔

یہ بھی پڑھیں: سینئر ترین افسر کو آرمی چیف لگایا جائیگا، شریف برادران کی ملاقات میں فیصلہ

اس سے قبل لندن میں شہباز شریف اور قائد مسلم لیگ (ن) کے درمیان ملاقات ہوئی جس میں فیصلہ کیا گیا کہ سینئر ترین افسر کو نیا آرمی چیف لگایا جائے۔